فوتبالیستان زیر ۱۷ سال افغانستان با شکست دادن ازبیکستان در بازی نهایی جام ملتهای مرکز آسیا موسوم به کافا برای نخستین بار قهرمان این دور از رقابتها شد.
افغانستان با تک گل عظمالدین حاجیزاده در دقیقه ۲۸ جام ملتهای مرکز آسیا را به خانه برد. فوتبالیستان این رده سنی افغانستان سال گذشته در این رقابتها سوم شده بودند.
پیشتر افغانستان دو تیم قدرتمند تاجیکستان و قیرغیزستان را شکست داد و راه را برای صعود به بازی نهایی هموار کرد.
بازی نهایی میان افغانستان و ازبیکستان امروز شنبه (۳ سنبله) در ورزشگاه مرکزی شهر دوشنبه تاجیکستان برگزار شد.
در مسابقات فوتبال زیر هفده سال، تیمهای افغانستان، ایران، تاجیکستان، اوزبیکستان، ترکمنستان و قرغیزستان حضور دارند. افغانستان با تیمهای قرغیزستان و تاجیکستان در گروه اول و تیمهای ایران، اوزبیکستان و ترکمنستان در گروه دوم حضور دارند.