خبرگزاری پل – شماری از شهروندان افغانستان که پس از رویکار آمدن طالبان به تاجیکستان رفتهاند، از مشکلات اقامت در این کشور و سوءاستفادهی نهادها از حقوق مهاجران شکایت میکنند.
یک شهروند افغانستان که در تاجیکستان به سر میبرد، به رسانهها گفت که شمار زیادی از پناهجویان علیرغم داشتن تمام اسناد لازم برای اقامت در تاجیکستان در معرض اخراج از این کشور قرار دارند.
این شهروند افغانستان گفت: «مدت بیشتر از یک ماه میشود که در معرض اخراج شدن بدون موجب قرار داریم. سفارت افغانستان در تاجیکستان و دیگر نهادهایی که برای رسیدگی به مهاجرین تشکیل شده از این مشکل اطلاع دارند اما کاری نمیکنند.»
او میگوید این وضعیت مهاجران را آسیبپذیر ساخته و آنها به سبب این آسیبپذیری به دام نهادها و دفاتری افتادهاند که ادعا میکنند مشکلات مهاجرین را حل خواهند کرد.
به گفتهی او، دفاتر و نهادها از این مشکلات سوءاستفاده میکنند و با درخواست مبالغ هنگفت وعدهی تسهیل اقامت مهاجرین افغان در تاجیکستان را میدهند.
این در حالی است که به گفتهی او، تمام مهاجران افغان اسناد لازم برای اقامت در تاجیکستان را دارند و نیازی نیست دست به دامن نهادها شوند اما خطر اخراج از تاجیکستان مهاجران را نگران کرده است.
آنها از دولت تاجیکستان و دفاتر سازمان ملل در تاجیکستان میخواهند که به وضعیت مهاجران افغان در این کشور توجه کنند.
با این حال، آمار اداره مهاجران خارجی تاجیکستان نشان میدهد تا اواخر سال گذشته حدود شش هزار مهاجر افغان در تاجیکستان حضور داشتند.
در پی واژگونشدن قایقی در دریای مدیترانه 20 پناهجو ناپدید شدند